اسلام آباد (آن لائن) اسلام آباد کے صرف زون 2 اور 5 میں لگ بھگ 44 غیر قانونی ہاؤسنگ سوسائٹیاں موجود ہیں ۔ میڈیا رپورٹ کے مطابق سی ڈی اے پلاننگ ونگ نے زون 2 ، 4 اور 5 میں کئی سوسائٹیوں کا پتہ لگایا ہے جو کہ غیر قانونی ہے جو رجسٹریشن اور این او سی متعلقہ حکام سے نئی لے چکی ہیں ۔ سپریم کورٹ کی ہدایات کی روشنی میں ہاؤسنگ سوسائٹیوں کے فرانزک آڈٹ میںیہ بات سامنے آئی ہے کہ زون 2 اور 5 میں کم از کم 44 غیر قانونی سوسائٹیاں کام کر رہی ہیں ۔
بہت سے کیسسز میں ہاؤسنگ سوسائٹی کی انتظامیہ نے رجسٹریشن کے لئے درخواست نہیں دی اور این او سی حاصل نہیں کیا ۔ زون 2 اور سیکٹر ای الیون میں ان سکیموں میں اسلام آباد کواپریٹو فارمنگ سکیم سیکٹر ڈی 17 ، پرائیڈائز سٹی ، سپریم کورٹ ایمپلائز ہاؤسنگ سکیم ، جی 17 ، گلشن رحمان ، سیکرٹر ای 17 ، پاکستان اوورسیز ہاؤسنگ سکیم ، جموں و کشمیر ہاؤسنگ سوسائٹی ، سروسز ہاؤسنگ سکیم ، پاکستان ٹاؤن فیز ٹو ، فیڈریشن آف ایمپلائز ہاؤسنگ سکیم ، نیو اسلام آباد گارڈن اور آر پی کارپوریشن شامل ہیں ۔ صرف ای الیون میں واقعہ نیشنل پولیس فاؤنڈیشن کو این او سی جاری کیا گیا ہے ۔ زون 5 میں واقعہ ان سکیموں میں جنہوں نے رجسٹریشن کے لئے اپلائی نہیں کیا ان میں گلشن رابعہ ، گلشن رحمان ، مورگاہ سٹی ، پارلیمنٹیرین انکلیو ، نیشنل کوآپریٹو ، اسلام آباد ہائی وے کے میڈیا ٹاؤن ، جاپان روڈپر ٹیلی ٹاؤن ، پی ڈبلیو ڈی پر واقعہ نیشنل پولیس فاؤنڈیشن ، آدم ٹاؤن ، دنیال ٹاؤن ، پاکستان ٹاؤن فیز ٹو ، غوری ٹاؤن ، زون 5 جاپان روڈ کا عسکری ٹاؤن ، جوڈیشل ایمپلائز ہاؤسنگ سکیم ، بنکرز سٹی ، رشید ٹاؤن ، کہوٹہ روڈ پر واقعہ بنکر ٹاؤن ، ریور ویو ، فاطمہ ویلاز ، ٹیلی ویژن میڈیا ٹاؤن ، جی ٹی روڈ پر واقعہ گلشن دانش ، فضا ٹاؤن ، عالیہ ٹاؤن ، لوہی بھیر ، ساہو زی ٹاؤن ، نیو ماڈل ٹاؤن ، روشن انکلیو ، جناح گارڈن ٹو موضع جبی ، کہوٹہ روڈ کا چک کمدار اور دروالا روڈ پر واقعہ اسمبلی سکیم موضع چوچا شامل ہیں ۔ واضح رہے کہ اسلام آباد کے 1992 کی زونگ قواعد و ضوابط کے مطابق یہ علاقہ 5 زونز میں تقسیم کیا گیا ہے ۔
