اسلام آباد(آئی این پی) پاکستان مسلم لیگ (ن)کی ترجمان مریم اورنگزیب نے قائد حزب اختلاف شہباز شریف کا طبی معائنہ نہ کرانے کی شدید مذمت کی اور کہا کہ حکومت سیاسی انتقام میں اندھی ہو چکی ہے، میڈیکل بورڈ نے شہباز شریف کے طبی معائنے کے بعد ایم آر آئی ٹیسٹ تجویز کیا مگرپنجاب ہوم ڈپارٹمنٹ، اسلام آباد کی ضلعی انتظامیہ اور متعلقہ حکام کی جانب سے مختلف حیلے بہانے بنائے گئے اور شہباز شریف کو انتظار کرایا جاتا رہا،
شہباز شریف کی صحت خطرات سے دوچار ہونے کا ذمہ دار نیب، ہوم ڈیپارٹمنٹ پنجاب اور عمران خان ہونگے۔اتوار کو پاکستان مسلم لیگ (ن)کی ترجمان مریم اورنگزیب نے قائد حزب اختلاف شہباز شریف کا طبی معائنہ نہ کرانے کی شدید مذمت کی۔ انہوں نے کہا کہ میڈیکل بورڈ کی تجویز کی روشنی میں شہباز شریف کا ایم آر آئی ٹیسٹ اتوار کو ہونا تھامگر پنجاب ہوم ڈپارٹمنٹ، اسلام آباد کی ضلعی انتظامیہ اور متعلقہ حکام کی جانب سے دانستہ لیت و لعل کی گئی،صبح سے مختلف حیلے بہانے کئے جاتے رہے اور شہباز شریف کو انتظار کرایا جاتا رہا۔مریم اورنگزیب نے کہا کہ میڈیکل بورڈ نے شہباز شریف کے طبی معائنے کے بعد ان میں بعض علامات کی درست تشخیص کے لئے ایم آر آئی ٹیسٹ تجویز کیا تھا،کینسر سروایور کے ساتھ اس طرح کا سلوک موجودہ حکمرانوں کے ذہنی بیمار ہونے کی واضح علامت ہے،حکومت سیاسی انتقام میں اندھی ہو چکی ہے،شہباز شریف کی صحت خطرات سے دوچار ہونے کا ذمہ دار نیب، ہوم ڈیپارٹمنٹ پنجاب اور عمران خان ہوں گے۔انہوں نے کہا کہ حکمران ہوش کے ناخن لیں ،احتساب کو سیاسی انتقام کے اس درجے پر نہ لے جائیں جس میں انسانی زندگی سے کھیلا جائے۔میڈیکل بورڈ کے طبی مشورے کے مطابق قائد حزب اختلاف شہباز شریف کی ایم آر آئی بلاتاخیر کرائی جائے۔ مریم اورنگزیب نے قائد حزب اختلاف شہباز شریف کا طبی معائنہ نہ کرانے کی شدید مذمت کی اور کہا کہ حکومت سیاسی انتقام میں اندھی ہو چکی ہے
