اسلام آباد(نیوز ڈیسک)میگا منی لانڈرنگ اورجعلی اکاؤنٹس کیس میں ملزمان عبدالغنی مجید اورانور مجید نے اپنے آپ کو بے قصور قرار دیتے ہوئے جے آئی ٹی رپورٹ مسترد کرنے کی استدعا کردی۔میڈیا رپورٹ کے مطابق میگا منی لانڈرنگ اورجعلی اکاؤنٹس کیس میں ملوث ملزمان عبدالغنی مجید اور انورمجید نے جواب سپریم کورٹ میں جمع کروادیا جس میں انہوں نے اپنے آپ کومعصوم قراردیتے ہوئے جے آئی ٹی رپورٹ مسترد کرنے کی استدعا کردی ہے۔جواب میں کہا گیا کہ جے آئی ٹی

کے پاس کوئی بنیاد نہیں کہ وہ معاملہ نیب کوارسال کرنے کی سفارش کرتی، جے آئی ٹی کی کسی بھی سفارش کی منظوری دینا بنیادی حقوق کی خلاف ورزی ہوگی، جے آئی ٹی کی ایگزیکٹو سمری اورحتمی رپورٹ کے 4 والیم فراہم کیے گئے، کن 924 لوگوں کے بیان ریکارڈ کیے گئے نہ نام فراہم نہیں کیے گئے ٗ جس ریکارڈ کا جائزہ لیا گیا وہ بھی فراہم نہیں کیا گیا۔رپورٹ کے ساتھ کوئی مواد یا دستاویزات نہیں جو الزامات کی تائید کرے ٗ جے آئی ٹی رپورٹ میں لگائے گئے ہرالزام میں معصوم ہیں۔