اسلام آباد(نیوز ڈیسک) وزیر اعظم عمران خان کی ہدایت پر حکومت اور عوام میں ڈائریکٹ رابطے اور وفاقی و صوبائی محکموں سے متعلقہ عوام کی شکایات کے ازالے کی غرض سے وزیرِ اعظم آفس میں قائم کیے گئے پاکستان سٹیزن پورٹل کے اب تک کے اعداد و شمار جاری کر دیئے گئے ۔ پاکستان سٹیزن پورٹل پر رجسٹریشن اور اپنی شکایات و تجاویز حکومت تک پہنچانے کے سلسلے
میں عوام کا حوصلہ افزا ردعمل دیکھا گیا ٗدو ماہ کے قلیل عرصے میں اب تک پورٹل پر رجسٹرڈ ہونے والوں کی تعداد چھ لاکھ سے تجاوز کر گئی۔ اب تک موصول شدہ شکایات کی تعداد229667ہے جس میں 90 فیصد اندرون ملک شہریوں 9.66 فیصد اوورسیز جبکہ 0.45 فیصد غیر ملکیوں کی جانب سے موصول ہوئیں۔ اب تک کل 47579تجاویز موصول ہوئی ہیں۔ پنجاب سے105,794، خیبر پختونخواہ سے 26790، سندھ سے 31698، بلوچستان سے 2524وفاقی دارالحکومت سے 61644 گلگت بلتستان سے 184اور آزاد کشمیر سے 1172شکایات موصول ہوئیں۔ پنجاب سے موصول شدہ شکایات میں سے 40,411 کا ازالہ کیا جا چکا ہے ، خیبر پختونخواہ سے 12771، سندھ سے2063، بلوچستان سے 316جبکہ وفاقی دارالحکومت کے شہریوں کی 35950شکایات کا ازالہ کیا جا چکا ہے۔بقیہ شکایات کے ازالے پر کام جاری ہے۔ اب تک موصول ہونے والے عوامی فیڈ بیک کے مطابق 24076 افراد نے پاکستان سٹیزن پورٹل پر نہایت اطمینان کا اظہار کیا ہے جو کہ انتہائی حوصلہ افزا ہے۔ گورننس کی بہتری اور عوام اور حکومت کے درمیان مستقل رابطہ کے قیام کے سلسلے میں پاکستان سیٹزن پورٹل اہم ذریعہ ہے وزیرِ اعظم عمران خان کی عوام کو پاکستان سٹیزن پورٹل کے زیادہ سے زیادہ برؤے کار لانے کی ترغیب اور وزیرِ اعظم کی ہدایت پر پاکستان سیٹزن پورٹل کے اعداد وشمار ہفتہ وار جاری کرنے کا فیصلہ کیا گیا
