اسلام آباد(مانیٹرنگ ڈیسک)وفاقی دارالحکومت اسلام آباد میں اس وقت شدید سردی ہے لیکن سیاسی درجہ حرارت اپنے عروج ہے ،موجودہ صورتحال کے  تناظر میں سینئر سیاستدان روئیداد خان نے نجی ٹی وی پروگرام کے دوران گفتگو کرتے ہوئے کہا ہے کہ اللہ تعالی پاکستان کو بچانا چاہتا ہے ۔ ہم نے ایسی صورتحال پہلے کبھی نہیں دیکھی تھی ۔وزیر اعظم ،آرمی چیف اور چیف جسٹس ایک پیج پر ہیں ۔یہ کمبی نیشن پاکستان کو بچانے کیلئے ہے۔انہوں نے دعویٰ کیا کہ زرداری جیل جائیگا ۔

پروگرام کے میزبان نے کہا کہ جیل میں تو ہر سہولت میسر ہے جس کے جواب میں انہوں نے کہا کہ اب حالات بدل گئے ہیں۔زرداری نے لوٹ مار کی ہے یا نہیں آپ کا ضمیر کیا کہتا ہے ؟آپ کا ضمیر کیا کہتا ہے کہ زرداری کا ہاتھ صاف ہے یا نہیں ؟پیپلز پارٹی کے رہنما کیمرے کے سامنے آکر کہہ دیں کہ زرداری نے لوٹ مار نہیں کی ہے ،اعتزازاحسن ایسا کہہ دیں ۔۔۔لیکن ان میں ایسی جرات نہیں ہے۔سابق وزیر اعظم میاں نوازشریف کیخلاف جو پلندہ نکلا ہے کیا کوئی کہہ سکتا ہے کہ وہ بیچارہ معصوم ہے ؟