اسلام آباد (نیوز ڈیسک) قطر نے پاکستانیوں کو ویزا کے حصول کی بہتر سہولت فراہم کرنے کے لیے اسلام آباد میں ویزا سہولت سینٹر کا افتتاح کردیا،وزیراعظم کے معاون خصوصی برائے اوورسیز پاکستانی زلفی بخاری نے کہا ہے کہ دوحا نے پاکستانی ملازمین کے لیے ایک لاکھ ملازمتوں کا وعدہ کیا ہے اور اس سلسلے میں ضروری کارروائی کا آغاز کردیا گیا ہے ۔ تفصیلات کے مطابق قطر
نے پاکستانیوں کو ویزا کے حصول کی بہتر سہولت فراہم کرنے کے لیے اسلام آباد میں ویزا سہولت سینٹر کا افتتاح کردیا، وزیراعظم کے معاون خصوصی برائے اوورسیز پاکستانی زلفی بخاری اور پاکستان میں تعینات قطری سفیر سقر بن ملک نے ویزا سہولت سینٹر کا افتتاح کیا۔پاکستان اب دنیا کے ان 8 ممالک میں شامل ہوگیا ہے جہاں قطر نے ویزا کی فوری اجرا کا سہولت سینٹر قائم کیا ہے۔زلفی بخاری نے تقریب کے بعد میڈیا سے خطاب کرتے ہوئے کہا کہ دوحا نے پاکستانی ملازمین کے لیے ایک لاکھ ملازمتوں کا وعدہ کیا ہے اور اس سلسلے میں ضروری کارروائی کا آغاز کردیا گیا ہے۔انہوں نے مزید کہا کہ حکومت سعودی عرب سے واپس آنے والے ہنرمند پاکستانیوں کو قطر بھیجنے کے لیے بھی مذاکرات کررہی ہے۔اس موقع پر پاکستان میں تعینات قطری سفیر نے کہا کہ ماضی میں ویزا کا عمل قطری حکومت کنٹرول کرتی تھی لیکن اب درخواست گزار اسلام آباد میں قائم سینٹر میں ویزا کی درخواست دے کر باآسانی ویزا حاصل کرسکتے ہیں۔اس موقع پر پاکستان میں تعینات قطری سفیر نے کہا کہ ماضی میں ویزا کا عمل قطری حکومت کنٹرول کرتی تھی لیکن اب درخواست گزار اسلام آباد میں قائم سینٹر میں ویزا کی درخواست دے کر باآسانی ویزا حاصل کرسکتے ہیں۔اس سے قبل نومبر میں قطر کے وزیر خارجہ محمد بن عبدالرحمن ال تھانی نے اقوام متحدہ کے اجلاس کے دوران شاہ محمود قریشی کو پاکستان کی ہنر مند افرادی قوت کے لیے ایک لاکھ ملازمتیں دینے کی پیشکش کی تھی۔
