اسلام آباد (نیوز ڈیسک) پاکستان مسلم لیگ (ن) کے رہنما رانا ثناء اللہ نے کہاہے کہ حکومت کو 6 ماہ بعد کی صورتحال کا پتا نہیں اور اپوزیشن حکومت کو گرا سکتی ہے ٗاپوزیشن اور حکومتی اراکین کی تعداد تقریباً برابر ہے اور پوری اپوزیشن متفق ہیکہ یہ سلیکٹڈ وزیراعظم ہیں اور ان کا مینڈیٹ جعلی ہے۔ایک انٹرویومیں رانا ثناء اللہ نے کہا کہ اپوزیشن اور حکومتی اراکین کی تعداد تقریباً برابر ہے اور پوری اپوزیشن متفق ہیکہ یہ سلیکٹڈ وزیراعظم ہیں اور ان کا مینڈیٹ جعلی ہے۔رانا ثناء اللہ نے کہا کہ

حکومتی اتحادی جماعتوں میں کوئی قدر مشترک نہیں، کوئی مقناطیسی قوت ہے جو انہیں جوڑے ہوئے ہے جب کہ اپوزیشن کو دیوار سے لگانے کے لیے بڑے پیمانے پر دھاندلی کی گئی۔ تمام زیادتیوں اور دھاندلیوں کے باوجود ہم سسٹم کا حصہ بنے اور پچھلے 4 ماہ میں ماسوائے اپوزیشن کو گالیاں دینے کے ان کا کوئی کام نہیں تھا۔رانا ثناء اللہ نے وزیر ریلوے شیخ رشید اور وفاقی وزیر اطلاعات فواد چوہدری پر تنقید کرتے ہوئے کہا کہ ان کا رویہ ایسا ہی رہا تو ہم سے تعاون کی توقع نہ رکھیں۔