لاہور (نیوز ڈیسک) وفاقی وزیر آبی وسائل فیصل واڈا نے کہا ہے کہ آصف علی زرداری کے خلاف کیسز نواز شریف کے دور میں بنائے گئے‘ زرداری صاحب نے لاڈلے کا لفظ استعمال کیا لاڈلے تو نواز شریف ہیں‘ زرداری نے بکواس کرنے اور پھٹے ہوئے ڈھول کے الفاظ بھی نواز شریف کے لئے استعمال کئے۔ جمعہ کو وفاقی وزیر فیصل واڈا نے میڈیا سے گفتگو کرتے ہوئے کہا کہ

علی رضا عابدی کے قتل میں بانی ایم کیو ایم ملوث ہے۔ علی رضا عابدی کے قاتلوں کو زمین کھود کر بھی نکال لیں گے۔ سندھ حکومت سورہی ہے ہر پاکستانی کی جان اہم ہے۔ سیاسی پوائنٹ اسکورنگ نہیں کرنا چاہتا۔ جب بھی ہم بات کرتے ہیں تو 18 ویں ترمیم کا کہہ کر وہ چھت سے لگ جاتے ہیں۔ آصف علی زرداری کا معاملہ اداروں کا ہے۔ آصف علی زرداری کے خلاف کیسز نواز شریف کے دور میں بنائے گئے۔ انہوں نے کہا کہ جے آئی ٹی سپریم کورٹ نے بنائی ہے۔ زرداری صاحب نے براہ راست سپریم کورٹ پر حملہ کیا۔ زرداری نے لاڈلے کا لفظ استعمال کیا لاڈلے نواز شریف ہیں۔ آصف علی زرداری نے ہمیں بری الذمہ کردیا ہے۔ زرداری نے بکواس کرنے اور پھٹے ہوئے ڈھول کے الفاظ بھی نواز شریف کے لئے استعمال کئے۔ زرداری صاحب کا شکر گزار ہوں کہ انہوں نے ہمیں بری الذمہ کیا۔ جعلی بینک اکاؤنٹس کیس میں بہت گرفتاریاں ہونے والی ہیں۔جو چوری کرے گا اسے عدالت سے سزا ملے گی۔یہ نہیں ہو سکتا کہ چوری بھی کریں اور سزا بھی نہ ملے۔میں نہیں سمجھتا تھا کہ بلاول بھٹو اومنی گروپ کے ترجمان بن جائیں گے۔ اگر انہوں نے کچھ بھی نہیں کیا تو وہ کلیئر ہوجائیں گے فیصل واڈا نے کہا قانون سے بالاتر کوئی بھی نہیں ہے۔واضح رہے کہ حکومت نے جعلی بینک اکا ئو نٹس منی لانڈرنگ کیس میں ای سی ایل میں شامل افراد کی فہرست جاری کر دی ہے آصف علی زرداری، فریال تالپور، بلاول بھٹو زرداری کے نام سرفہرست ہیں،فہرست میں آصف علی زرداری کا نام 24ویں،د۵ بلاول بھٹو زرداری کا نام 27ویں اور فریال تالپور کا نام 36ویںپر ہے ،وزیراعلی سندھ سید مراد علی شاہ کا نام فہرست میں 155ویں ،سابق وزیراعلی سندھ سید قائم علی شاہ کا نام 129ویں نمبر پر موجود ،فہرست میں رکن سندھ اسمبلی مکیش کمار چاولہ، سابق وزیر داخلہ سندھ سہیل انور سیال، سابق وزیر امتیاز شیخ ،سابق ڈی جی سندھ بلڈنگ کنٹرول اتھارٹی منظور قادر، قائم مقام چیئرمین ایس ای سی پی طاہر محمود، حسین لوائی اور بلال شیخ کے نام بھی شامل،ای سی ایل فہرست میں عبدالغنی مجید سمیت اومنی گروپ کے 10 افراد کے نام شامل ، علی کمال مجید، انور ماجد خواجہ، احسن رضا درانی کے نام بھی شامل ہیں۔