لاہور(آئی این پی)لاہور ہائیکورٹ نے ہیلمٹ نہ پہننے والوں کو پٹرول کی فراہمی پر پابندی لگا دی،جسٹس علی اکبر قریشی نے کہا بغیر ہیلمٹ پٹرول دینے والے پمپ سیل کر دیئے جائیں۔ نجی ٹی وی کے مطا بق جمعرات کو لاہور ہائیکورٹ میں درخواست گزار اظہر صدیق ایڈووکیٹ نے موقف اختیار کیا کہ ہیلمٹ پہننے سے سر پر چوٹ لگنے واقعات 90 فیصد کم ہوچکے ہیں لیکن اس
کے باوجود بعض مقامات پر ہیلمٹ پہننے کے فیصلہ پر من و عن عملدرآمد نہیں ہو رہا۔جسٹس علی اکبر قریشی نے حکم دیا کہ پنجاب بھر میں بغیر ہیلمٹ کے موٹر سائیکل سواروں کو پٹرول فراہم نہ کیا جائے، شہریوں نے عدالتی فیصلے کو خوش آئند قراردیا ہے،لاہور ہائیکورٹ کے حکم کے مطابق بغیر ہیلمٹ کے موٹر سائیکل سوار کو پٹرول فراہم کرنے والے پمپس کو سیل کردیا جائے گا۔
