کراچی(این این آئی) متحدہ قومی موومنٹ (ایم کیو ایم) پاکستان کے رہنما اور سابق رکن قومی اسمبلی علی رضا عابدی کے قتل کے بعد متحدہ کے دھڑوں نے آپس میں رابطے شروع کردیئے ہیں۔بدھ کوفیصل سبزواری نے ڈاکٹر فاروق ستار سے رابطہ کیا۔ ذرائع کے مطابق فیصل سبزواری نے فاروق ستار سے فی الحال ملاقات کے لیے وقت مانگا ہے جو کل یا
پرسوں متوقع ہے۔ربطہ کرنے پرفیصل سبزواری نے بتایاکہ ڈاکٹرفاروق ستار سے رابطہ ہواہے، اسی ہفتے ملاقات متوقع ہے، ملاقات کا مقصد موجودہ صورتحال پر فاروق ستار سے مشاورت کرنا ہے۔انہوں نے بتایا کہ فاروق ستار نے ملاقات پر آمادگی ظاہر کی ہے، ملاقات نجی حیثیت میں کروں گا پارٹی کی جانب سے ملاقات کے لیے نہیں کہا گیا۔
