اسلام آباد(آن لائن)آئی ایم ایف اور پاکستان کے درمیان مذاکرات میں ڈیڈ لاک ختم ہوگیاپاکستان نے آئی ایم ایف کے دو مطالبات مان لیے ہیں۔ ذرائع کا کہنا ہے کہ حکومت نے بجلی کی قیمتوں میں اضافہ کرنے کی آئی ایم ایف کی شرط مان لی ہے جبکہ حکومت نے ایف بی آر کا ٹیکس ٹارگٹ بھی بڑھانے کا مطالبہ بھی مان لیا ہے جبکہ گزشتہ ہفتے حکومت نے آئی ایم ایف کی شرائط کے مطابق بجلی کی قیمتوں میں ایک روپیہ 27 پیسے اضافہ کیا تھا جس پر حکومت نے موقف اختیار کیا کہ بجلی کی قیمتوں میں اضافے کا مقصد پاور سیکٹر کے گردشی قرضہ میں کمی

کرنا ہے ذرائع کا کہنا ہے کہ پاکستان اور آئی ایم کے درمیان بیل آوٹ پیکج پر مذاکرات میں پیش رفت شروع ہوچکی ہے حکومت نے آئی ایم ایف کی شرائط ماننے کی حامی بھر لی ہے اور ملک میں بجلی قیمتیں بڑھانے اور ایف بی آر کا ٹیکس ٹارگٹ 4400 ارب روپے سے بڑھا کر4700 ارب روپے کرنے کی شرط مان لی ہیذرائع کا کہنا ہے کہ روپے کی قدر کو مرکزی بینک کنٹرول کرے گا جبہ شرح سود میں مزید اضافہ نہیں کیا جائے گا جبکہ رواں مالی سال میں پاور سیکٹر کا گردشی قرضہ دو سو سے تین سو ارب روپے کم بھی کیا جائیگا۔شاہد عباس