کراچی (این این آئی) شہر قائد کے علاقے نیوکراچی میں پولیس نے کارروائی کے دوران ایم کیوایم لندن کے 2 ٹارگٹ کلرز گرفتار کرلیے۔تفصیلات کے مطابق شہر قائد کے علاقے نیو کراچی میں سندھ پولیس نے چھاپہ مار کارروائی کرتے ہوئے ایم کیوایم لندن سے تعلق رکھنے والے دو ٹارگٹ کلرز آصف رضا عرف میٹھا اور کاشف علی عرف کالا کو گرفتارکرلیا۔ ایس ایس پی سینٹرل نے بتایا کہ ملزمان نے 2011 اور 2012 میں قتل کیے، ملزمان چائنا کٹنگ،
جلا گھیرا، اسلحے کی ترسیل میں بھی ملوث تھے۔ترجمان کے مطابق ملزم کاشف علی عرف کالا نے 13 افراد جبکہ ملزم آصف رضا عرف میٹھا نے 2 افراد کو قتل کیا جبکہ ملزم آصف رضاجئیسندھ کی ریلی پرفائرنگ میں ملوث ہے۔ایس ایس پی سینٹرل عارف اسلم کا کہنا ہے کہ ملزمان 2013 ہڑتالوں میں عوامی املاک کوجلانے میں بھی ملوث ہیں۔ایس ایس پی عارف اسلم کے مطابق کارروائی کے دوران ملزمان سے 2 کلاشنکوف اور دستی بھی برآمد ہوئے ہیں۔
