کراچی(نیوز ڈیسک)وزیراعلی سندھ مرادعلی شاہ کے معاون خصوصی وقار مہدی اورراشد ربانی کو کنفرم ٹکٹ ہونے کے باوجود پی آئی اے کی کراچی سے سکھر جانے والی فلائٹ پی کے 530سے آف لوڈ کر دیاگیا۔پیپلزپارٹی کے دونوںرہنما بینظیر بھٹو شہید کی برسی کی تقریب میں شرکت کے لیے سکھر جا رہے تھے۔اس حوالے سے پیپلز پارٹی کے رہنما وقارمہدی نے بتایاکہ پی آئی اے کی

پرواز پی کے530 کے لیے ہم نے 15 روز قبل ٹکٹ بک کرائی اور ائیرپورٹ 10:45 پر پہنچے تھے جبکہ فلائٹ کا ٹائم 12 بجے کا تھاہمیں بورڈنگ کارڈ نہیں دیا گیا، ہماری نشستیں کسی اور کو دے دی گئیں، ہمیں پی آئی اے نے آگاہ بھی نہیں کیا، اب شام 5 بجے کی کراچی سے سکھر پرواز پر بکنگ کی گئی ہے۔وقار مہدی نے کہاکہ پیپلزپارٹی کونشانہ بنایا جارہا اور جان بوجھ کر آف لوڈ کیا گیا ہے۔انہوں نے کہاکہ ایک سوچے سمجھے منصوبے کے تحت اپوزیشن کو تنگ کیا جارہا ہے، پی آئی اے کائونٹر پر احتجاج کیا لیکن کسی نے ایک نہ سنی۔انہوں نے بتایاکہ پی آئی اے حکام کو آگاہ کیاکہ ٹکٹ کنفرم ہے اس کے باوجود ہمیں یہ کہہ کر روکا گیا کہ جگہ نہیں ہے۔اس ضمن میں پی آئی اے کے ترجمان مشہود تاجور نے بتایاکہ پیپلز پارٹی کے رہنما وقار مہدی اور راشد ربانی کو ہونے والی زحمت پر معذرت خواہ ہیں۔ پی آئی اے کائونٹر پر احتجاج کیا لیکن کسی نے ایک نہ سنی۔انہوں نے بتایاکہ پی آئی اے حکام کو آگاہ کیاکہ ٹکٹ کنفرم ہے اس کے باوجود ہمیں یہ کہہ کر روکا گیا کہ جگہ نہیں ہے۔اس ضمن میں پی آئی اے کے ترجمان مشہود تاجور نے بتایاکہ پیپلز پارٹی کے رہنما وقار مہدی اور راشد ربانی کو ہونے والی زحمت پر معذرت خواہ ہیں۔سکھر کے لیے پروازوں پر بہت زیادہ رش اور آپریشنل وجوہات کی بنا پر سیٹ ایڈجسٹمنٹ کرنی پڑ جاتی ہے اور ائیر لائن کے پاس اختیارات ہیں کے وہ کسی کی بھی سیٹ تبدیل کرسکتی ہے۔ترجمان نے بتایا کہ ہم نے پیپلزپارٹی رہنمائوں کو شام کی پرواز آفر کی ہے اگر وہ جانا چاہیں تو جاسکتے ہیں۔