اسلام آباد (مانیٹرنگ ڈیسک) میں تو اس خاندان سے ہوں ہی نہیں میری تو دوسری بیوی بھی دوبئی میں رہتی ہے، تو شریف خاندان میں پھنس گیا ہوں اس لیے مجھے بھی این آر او دیا جائے، کیپٹن صفدر این آر او کی کوششیں کر رہے ہیں، مقتدر حلقوں کو کیا پیغام بھیج رہے ہیں؟ تحریک انصاف کے رکن اسمبلی ڈاکٹر عامر لیاقت کے سنسنی خیز دعویٰ سامنے آگیا۔ تفصیلات کے مطابق تحریک انصاف

کے رکن قومی اسمبلی ڈاکٹر عامر لیاقت حسین نے سنسنی خیز دعویٰ کرتے ہوئے کہا ہے کہ کیپٹن صفدر این آور او کی کوشش کر رہے ہیں اور ان کا کہنا ہے کہ میں اس خاندان سے ہوں ہی نہیں میری تو دوسری بیوی بھی دوبئی میں رہتی ہے۔میں تو شریف خاندان میں پھنس گیا ہوں اس لیے مجھے بھی این آر او دیا جائے۔عامر لیاقت حسین نے مزید دعویٰ کرتے ہوئے کہا ہے کہ کیپٹن صفدر کی دوسری شادی کی خبریں بالکل درست ہیں اور ان کی دوسری بیوی وہی خاتون ہے جس کی ویڈیو پہلے منظر عام پر آچکی ہے ،وہ دبئی میں مقیم ہے اور اسے پیسے دیکر چپ کروا دیا گیا ہے۔ خیال رہے کہ کچھ عرصہ قبل ایک خاتون کی ویڈیو سوشل میڈیا پر وائرل ہوئی تھی جس سے متعلق میڈیا اور سوشل میڈیا پر یہ دعویٰ کیا گیا تھا یہ کیپٹن صفدر کی دوسری اہلیہ ہے اور ان کا ایک بیٹا بھی ہے تاہم بعد میں کیپٹن صفدر کی جانب سے ان خبروں کی تردید سامنے آئی تھی اور ویڈیو میں نظر آنیوالی خاتون نے بھی منظر عام پر آکر اس خبر کی تردید کی تھی ۔ تاہم اب تحریک انصاف کے ایک رکن قومی اسمبلی کی جانب سے دوبارہ یہ دعویٰ کیا گیا ہے کہ یہ خاتون کیپٹن صفدر کی دوسری بیوی ہے۔اس خاتون کی پہلے سوشل میڈیا پر وائرل ہونیوالی ویڈیو میں عید کے موقع پر یہ خاتون اپنے شوہر کی جدائی میں آنسو بہاتے ہوئے اسے اپنی زندگی تباہ کرنے کا طعنہ دے رہی ہے ۔ خاتون کا کہنا تھا کہ آج عید کا موقع ہے اور میں ہی نہیں میرا دل بھی خون کے آنسو رو رہا ہے اور یہ سب آپ کی وجہ سے ہے ، آپ نے میری زندگی تباہ کر دی ہے ، آپ کو میری قدر ایک دن ضرور آئے گی۔

موضوعات:ڈاکٹر عامر لیاقت کیپٹن صفدر