اسلام آ با د (آ ئی این پی) سا بق وزیر اعظم میاں نواز شریف کو عدالت سے سزا کے بعد ن لیگی کارکنان افسردہ ہوگئے، ایک خاتون کارکن نے روتے ہوئے کہا کہ میرے قائد کے ساتھ ہمیشہ ظلم ہوتا ہے۔پیر کو سابق وزیراعظم نواز شریف کو العزیزیہ ریفرنس میں 7 سال قید اور ڈھائی کروڑ ڈالر جرمانے کے ساتھ جائیداد ضبطگی کی بھی سزا سنادی گئی۔نواز شریف کو سزا کے بعد لیگی کارکنان شدید افسردہ تھے، ایک خاتون کارکن نے روتے ہوئے شکوہ کیا کہ نواز شریف

جب بھی ملک کو ترقی کی راہ پر لے کر جاتے ہیں، ان کے ساتھ ایسا ہی ظلم ہوتا ہے، آج ظلم کی انتہا کردی گئی ہے،وہ بولیں کہ کبھی میرے قائد کو جلا وطن کردیا جاتا ہے، کبھی نااہل قرار دیا جاتا ہے، کتنی اور سزائیں دیں گے،خاتون کارکن کا کہنا تھا کہ انہیں علیمہ خان اور دیگر نظر نہیں آتے، آج کتنے کرپٹ لوگ حکومت میں بیٹھے ہوئے ہیں، میاں نواز شریف جیسے معصوم آدمی کے ساتھ ایسا کیوں کیا جاتا ہے، نواز شریف پاکستان اور عوام کے لیڈر ہیں۔