اسلام آباد (این این آئی) سابق وزیراعظم محمد نواز شریف  25دسمبر کو 69 برس کے ہو جائینگے، جیل میں ہونے کے باعث اپنی سالگرہ گھر والوں کے ساتھ نہیں منا سکیں گے ۔ تفصیلات کے مطابق سابق وزیراعظم محمد نواز شریف 25 دسمبر 1949ء کو لاہور میں پیدا ہوئے

وہ 6 نومبر1990 کو پہلی مرتبہ ملک کے وزیراعظم بنے اور 18 اپریل 1993ء تک اس عہدے پر فائز رہے۔ نواز شریف 17 فروری 1997ء کو دوسری مرتبہ ملک کے وزیراعظم منتخب ہوئے اور وہ 12 اکتوبر 1999ء تک اس عہدے پر فائز رہے اور 12 اکتوبر 1999ء کو ان کی حکومت ختم کردی گئی۔ نواز شریف کی پارٹی نے 11 مئی 2013 کے عام انتخابات میں ایک بار پھر کامیابی حاصل کی ، نواز شریف کو وزیراعظم پاکستان کے طور پر تیسری بار عہدہ سنبھالنے کا شرف حاصل ہوا تاہم اس بار بھی وہ اپنی پانچ سالہ آئینی مدت پوری نہ کرسکے اور پانامہ لیکس میں عدالتی فیصلے کے نتیجے میں نواز شریف کو نا اہل قرار دیا گیا24 دسمبر پیر کو احتساب عدالت کی جانب سے سابق وزیراعظم میاں محمد نواز شریف کو العزیزیہ ریفرنس میں سات سال قید کی سزا سنائی گئی ہے جس کے بعد سابق وزیراعظم کو کمرہ عدالت سے حراست میں لیکر اڈیالہ جیل راولپنڈی منتقل کردیا گیا ۔ نواز شریف کی درخواست پر عدالت نے کوٹ لکھپت جیل لاہورمیں منتقل کرنے کی ہدایت کی ہے جس پر نیب حکام   منگل کو لاہور منتقل کرینگے۔ سابق وزیراعظم اپنی سالگرہ کا دن جیل میں گزاریں گے۔  سابق وزیراعظم محمد نواز شریف  25دسمبر کو 69 برس کے ہو جائینگے، جیل میں ہونے کے باعث اپنی سالگرہ گھر والوں کے ساتھ نہیں منا سکیں گے