کراچی(نیوز ڈیسک)کراچی میں آج (منگل)اورکل(بدھ)25اور 26 دسمبر کو موسم مزید سرد ہونے کا امکان ہے،محکمہ موسمیات نے درجہ حرارت 8 سے 9ڈگری سینٹی گریڈ تک جانے کی پیش گوئی کی ہے۔محکمہ موسمیات نے شہر قائد میں آئندہ 24 گھنٹوں کے دوران موسم خشک اور رات میں سرد رہنے کا امکان ظاہر کیا گیا ہے،جبکہ پیرکو کم سےکم درجہ حرارت 12ڈگری سینٹی گریڈ
ریکارڈ کیا گیا۔ذرائع موسمیات کے مطابق شہر میں شمال مشرقی علاقوں سے ہوائیں 10کلومیٹر فی گھنٹہ کی رفتار سے چل رہی ہیں جبکہ ہوا میں نمی کا تناسب 47 فیصد ہے۔محکمہ موسمیات نے 25اور 26دسمبر کو موسم مزید سرد ہونے اور درجہ حرارت 8 سے 9ڈگری سینٹی گریڈ تک جانے کا امکان ظاہر کیا ہے۔محکمہ موسمیات نے کہاہے کہ آئندہ دو سے تین روز کے دوران ملک کے بیشتر علاقوں میں موسم سرد اور خشک رہے گا ٗ شمالی علاقوں میں سردی کی شدت برقرار رہے گی اور بالائی علاقوں میں صبح کے اوقات میں کہر پڑنے کا بھی امکان ہے۔ محکمہ موسمیات کے مطابق گزشتہ 24 گھنٹوں کے دوران ملک کے شمالی علاقوں میں موسم شدید سرد جبکہ دیگر علاقوں میں سرد اور خشک رہا۔شمالی علاقوں میں سردی کی شدت برقرار رہے گی اور بالائی علاقوں میں صبح کے اوقات میں کہر پڑنے کا بھی امکان ہے۔ محکمہ موسمیات کے مطابق گزشتہ 24 گھنٹوں کے دوران ملک کے شمالی علاقوں میں موسم شدید سرد جبکہ دیگر علاقوں میں سرد اور خشک رہا۔ پنجاب کے بعض میدانی علاقے صبح کے اوقات میں شدید دھند کی لپیت میں رہے ادھر دھند کی وجہ سے قومی شاہراہوں اور موٹر ویز پر ٹریفک متاثر ہوئی ہے اور موٹر وے کو کئی مقامات پر ٹریفک کو عاضی طور پر بند کر دیا گیا۔ نیشنل ہائی ویز اینڈ موٹر ویز پولیس کے حکام نے شہریوں سے دوران سفر محتاط رہنے اور احتیاطی تدابیر پر عمل کرنے کی اپیل کی ہے۔
