واشنگٹن (نیوز ڈیسک)امریکہ میں تعینات پاکستانی سفیر علی جہانگیر صدیقی نے اپنے عہدے کا چارج چھوڑ دیا ٗ پاکستانی سفیر ڈاکٹر اسدمجید جلد ذمہ داریاں سنبھالیں گے۔میڈیا رپورٹ کے مطابق حکومت کی جانب سے بیرون ممالک سبکدوش سفیروں کو چارج چھوڑنے کیلئے ڈیڈ لائن دی گئی تھی تاہم علی جہانگیرصدیقی نے چارج چھوڑنے کیلئے دو ہفتے کا وقت مانگا تھاجس پر وزارت خارجہ نے علی جہانگیرصدیقی کو مزید 2 ہفتے کا وقت دیا تھا۔ اب

پیر کو علی جہانگیر نے اپنے عہدے کا چارج چھوڑ دیا، نئے پاکستانی سفیر ڈاکٹر اسدمجید جلد ذمہ داریاں سنبھالیں گے۔میڈیا سے گفتگو کرتے ہوئے علی جہانگیرصدیقی نے کہا کہ پاک امریکا تعلقات بہتر حال میں چھوڑ کر جارہا ہوں، دونوں ممالک میں اعلی سطح پر رابطے ہورہے ہیں۔خیال رہے کہ کینیڈا میں ہائی کمشنرطارق عظیم خان، سعودی عرب میں سفیرخان حشام بن صدیق چارج چھوڑ دیا، جبکہ مراکش، کیوبا اور سربیا میں سفیربھی چارچ چھوڑ چکے ہیں ۔

موضوعات:پاکستانی سفیر علی جہانگیر صدیقی