اسلام آبا د (مانیٹرنگ ڈیسک)پاکستان کو معاشی بحران سے نکالنے کیلئے چین ایک بار پھر میدان میں آگیا، نہایت آسان شرح سود پر بہت بڑے قرضے کی پیش کش کر دی، آئی ایم ایف منہ ہی دیکھتا رہ گیا۔ تفصیلات کے مطابق پاکستان کے ہر موسم کے قابل اعتماد دوست چین نے ایک بار پھر پاکستان کو ریسکیو کرنے کا اعلان کردیا ہے۔ چین کی جانب سے پاکستان کی معاشی صورتحال
کو دیکھتے ہوئے پیش کش کی گئی ہے کہ بینک آف چائنا اور دیگر چینی بینک پاکستان کو قرضہ دینے کیلئے تیار ہیں جس پر پاکستان کی جانب سے آمادگی کا اظہار کر دیا گیا ہے تاہم وزیراعظم عمران خان چینی پیش کش پر کابینہ سے مشاورت کے بعد حتمی فیصلے کرینگے۔ میڈیا رپورٹس کے مطابق پاکستان چین کی اس پیش کش پر تقریبا ً آمادہ ہو چکا ہے تاکہ آئی ایم ایف کے پاس نہ جانا پڑے اور بالفرض آئی ایم ایف سے قرضہ لیا بھی جائے تو اس کا حجم کم سے کم ہو،چین کے بینک پاکستان کو متوقع طور پر 4سے 6فیصد تک شرح سود پر قرضہ دیں گے ،حکومت اس پیش کش پر غور کررہی ہے۔میڈیا رپورٹس کے مطابق پاکستان چین کی اس پیش کش پر تقریبا ً آمادہ ہو چکا ہے تاکہ آئی ایم ایف کے پاس نہ جانا پڑے اور بالفرض آئی ایم ایف سے قرضہ لیا بھی جائے تو اس کا حجم کم سے کم ہو،چین کے بینک پاکستان کو متوقع طور پر 4سے 6فیصد تک شرح سود پر قرضہ دیں گے ،حکومت اس پیش کش پر غور کررہی ہے۔رپورٹس کے مطابق سعودی عرب نے پاکستان کو تین اعشاریہ ایک فیصد شرح سود پر قرضہ دیا ہے جبکہ سی پیک کے بعض منصوبوں کیلئے چین نے پاکستان کو پہلے جو قرضے دیئے ہیں ان کی شرح سود3سے 4فیصدہے جبکہ نئے قرضے 4سے 6فیصد شرح سود پر دیئے جائیں گے ، شرح سود میں 2فیصد تک اضافہ پر حکومت معاشی ماہرین سے مشاورت کررہی ہے ۔ واضح رہے کہ گزشتہ روز متحدہ عرب امارات کی جانب سے پاکستان کیلئے تین ارب ڈالرز کے بیل آئوٹ پیکیج کا اعلان کیا گیا ہے۔
