لاہور (مانیٹرنگ ڈیسک)وفاقی تحقیقاتی ادارے (ایف آئی اے) نے کراچی کے شہری کو لاہور میں ایک خاتون کو مبینہ طور پر بلیک میل کرنے اور شادی کے لیے زبردستی کرنے پر گرفتار کرلیا ہے ۔ایف آئی اے ذرائع کے مطابق نارتھ کراچی کا رہائشی ملزم لاہور کی خاتون کو شادی کی پیشکش قبول نہ کرنے پر ان کی نجی تصاویر اور ویڈیوز انٹرنیٹ پر پوسٹ کرنے کی
دھمکی دے رہا تھا۔ملزم شکایت کنندہ خاتون سے شادی کرنے کے لیے اپنے اہلخانہ اور بارات کے ہمراہ لاہور بھی پہنچ گیا،تاہم لاہور ریلوے اسٹیشن پہنچنے پر ایف آئی اے کے سائبر کرائم وِنگ کی ٹیم نے اسے گرفتار کرلیا،ملزم کیخلاف مقدمہ الیکٹرانک کرائم کی روک تھام کے قانون 2016 کے تحت بلیک میلنگ اور ہراساں کرنے کے الزامات پر درج کرلیا گیا ہے۔
