اسلام آباد (مانیٹرنگ ڈیسک)وفاقی وزرا کے غیر ملکی دوروں پر ہونیوالے اخراجات کی تفصیلات سامنے آگئیں۔ قومی اخبار کی رپورٹ کے مطابق وفاقی وزرا کے دوروں پر 38 لاکھ 40 ہزار روپے سے زائد خرچ ہوئےدستاویزات کے مطابق شفقت محمود کے دورہ امریکہ پر ساڑھے 5 لاکھ روپے سے زائد، وزیر خزانہ اسد عمر کے دورہ انڈونیشیا پر 4 لاکھ 69 ہزار روپے، فہمیدہ مرزا کے دو غیر ملکی دوروں پر 6 لاکھ 75 ہزار روپے خرچ ہوئے۔وفاقی وزیر علی زیدی کے یواے ای کے دورے
پر 6 لاکھ روپے سے زائد، شیخ رشید کے دورہ چین پر 2 لاکھ 98 روپے، حماد اظہر کے دورہ ترکی پر 3 لاکھ 37 ہزار روپے جبکہ زرتاج گل کے دورہ مصر 3 لاکھ 11 ہزار روپے کے اخراجات ہوئے۔وزیر مملکت شہریار آفریدی نے حکومت قطر کے خرچ پر دورہ کیا جبکہ شفقت محمود کے دورہ آئرلینڈ کے اخراجات بھی غیر ملکی ادارے نے برداشت کیے۔ وزیر اطلاعات فواد چودھری نے بھی سعودی عرب اور ملائیشیا کے دورے وزیراعظم کے ہمراہ کیے، ان کے دورہ برطانیہ کے اخراجات برطانوی سپانسر نے برداشت کیے۔
