اسلام آباد (این این آئی)وفاقی وزیر خزانہ اسد عمر قطر کے 2روزہ دورہ پر دوحہ پہنچ گئے۔ جمعہ کو وزارت خزانہ سے جاری بیان کے مطابق وزیر خزانہ دوحہ فورم میں پاکستان کی نمائندگی کریں گے جو 16 نومبر تک ہو گا۔ وزیر خزانہ اسد عمر کو ان کے قطری ہم منصب ان کے قطری ہم منصب نے دورہ کی دعوت دی تھی۔ وہ اپنے اس دورہ میں قطر کی سینئر قیادت سے بھی ملاقات کریں گے۔پاکستان نے قطر سے سالانہ دو ارب ڈالر کی ایل این جی ادھار لینے
کیلئے کوششیں تیز کر دی ہیں۔میڈیا رپورٹ کے مطابق پاکستان نے قطر سے سالانہ دو ارب ڈالر کی ایل این جی ادھار لینے کیلئے کوششیں تیز کر دی ہیں،ادھار ایل این جی کے معاملے پر پاکستان اور قطر کے حکام کے درمیان مذاکرات دوحہ میں ہوں گے۔وزیر خزانہ اسد عمر قطر سے ایل این جی ادھار پر لینے کے لیے مذاکرات کریں گے۔ذرائع کے مطابق پاکستان کی جانب سے قطر سے سالانہ 2 ارب ڈالر کی ایل این جی ادھار پر لینے کی کوشش کی جائے گی۔
