اسلام آباد (نیوز ڈیسک) وفاق کے بعد پنجاب میں بھی پبلک اکائونٹس کمیٹی کامعاملہ طے ہونے کاامکان ہے ، حکومت اوراپوزیشن میں دوبارہ مذاکرات کے لئے رابطے کرلیے گئے ۔ذرائع کے مطابق مرکز میں پبلک اکائونٹس کمیٹی کے سلسلے میں حکومت اوراپوزیشن میں معاملات طے پاچکے ہیں جبکہ حکومت نے پنجاب کامعاملہ بھی مرکز کے فیصلے کے ساتھ منسلک کیا تھا۔

پنجاب میں پبلک ا کائونٹس کمیٹی کامعاملہ طے نہ ہونے کے باعث دیگر قائمہ کمیٹیا ں بھی تشکیل نہیں پاسکیں۔ اب حکومت اوراپوزیشن میں دوبارہ مذاکرات کے لئے رابطے کرلیے گئے ہیں۔تاہم مسلم لیگ (ن) نے مذاکرات سے پہلے پارٹی مشاورت کافیصلہ کیاہے ۔ حمزہ شبہاز شریف کی زیرصدارت اجلاس مسلم لیگ (ن) مذاکرات کے حوالے سے آپشنزطے کرے گی ۔

موضوعات:پنجاب پبلک اکائونٹس کمیٹی