راولپنڈی (این این آئی) جمعیت علمائے اسلام (س) کے سربراہ مولانا سمیع الحق کے قتل میں پولیس نے پیشرفت کرتے ہوئے ان کے سیکرٹری احمد شاہ کو گرفتار کرلیا ہے ۔پولیس ذرائع کے مطابق مولانا سمیع الحق کے سیکرٹری احمد شاہ کو مولانا (مرحوم) کے لواحقین کی معاونت سے گرفتار کیا گیا ہے ۔

ذرائع نے بتایا کہ مولانا سمیع الحق کے قتل کے بعد احمد شاہ پراسرار طور پر لاپتہ ہوگئے تھے اور متعدد کوششوں کے باوجود بھی گرفتار نہیں کئے جاسکے تھے۔پولیس ذرائع کے مطابق سیکرٹری احمد شاہ مولانا سمیع الحق کے قتل کی تفتیش میں اہم ترین فرد ہوسکتے ہیں، ان سے تفتیش شروع کردی گئی ہے۔