اسلام آباد (نیوز ڈیسک ) پاکستان مسلم لیگ (ن) کے صدر اور قومی اسمبلی میں اپوزیشن لیڈر میاں شہباز شریف نے کہا ہے کہ نیِب اب تک کچھ بھی ثابت نہیں کر سکا، اللہ کے فضل و کرم سے عوام کی خدمت کی ہے،نیب قیامت تک کچھ ثابت نہیں کر سکے گا ۔ منگل کو میڈیا سے گفتگو کرتے ہوئے شہبازشریف نے نیب مقدمات سے بچنے کے لیے کوئی سمجھوتہ کرنے
کو تیار کے سوال پر شہاز شریف نے جواب دینے سے گریز کرتے ہوئے کہا کہ حکومت کی سو روزہ کارکردگی پر اسمبلی میں بات کروں گا ۔اپوزیشن لیڈر نے کہا نیِب اب تک کچھ بھی ثابت نہیں کر سکا، اللہ کے فضل و کرم سے عوام کی خدمت کی ہے ۔شہبازشریف نے کہا نیب قیامت تک کچھ ثابت نہیں کر سکے گا ،یہ چیلنج ہی ہے کہ نیب مجھ پر کوئی مقدمہ ثابت نہیں کرسکا۔
