لاہور (آن لائن) محکمہ سکول ایجوکیشن نے پنجاب کے تعلیمی اداروں میں موسم سرما کی تعطیلات کا اعلان کر دیا۔ محکمہ سکول ایجوکیشن کی جانب سے جاری کردہ نوٹیفکیشن کے مطابق نجی اور سرکاری تعلیمی اداروں میں موسم سرما کی تعطیلات 24 سے 31 دسمبر تک ہوں گی۔ جاری کردہ احکامات پر ڈسٹرکٹ ایجوکیشن اتھارٹی عملدرآمد کرونے کی مجاز ہو گی۔ اس سلسلے میں تمام سرکاری اور نجی اداروں کو مطلع کر دیا گیا ہے۔ دریں اثناء پنجاب بھر کے سرکاری سکولوں میں

اساتذہ کی 40 ہزار آسامیاں خالی پڑی ہیں، جن میں گریڈ 19 اور گریڈ 20 کے پرنسپلوں کی 500 آسامیاں، گریڈ 17 سے 18 کی 3600 آسامیاں خالی پڑی ہیں جبکہ گریڈ 14 اور 15 کی 30 ہزار آسامیاں پر کرنے کی ضرورت ہے۔ اس کے علاوہ اے ای او کی پنجاب میں 11 آسامیاں خالی پڑی ہیں۔ بتایا گیا ہے کہ لاہور کے سکولوں میں 1200 اساتذہ کی آسامیاں خالی پڑی ہیں۔ یہاں یہ بات قابل ذکر ہے کہ محکمہ سکول ایجوکیشن نے ان خالی آسامیوں کا ڈیٹا ویب سائٹ پر ہی اپ لوڈ کر دیا ہے۔