اسلام آباد( آن لائن ) پاکستان پیپلزپارٹی رہنما فرحت اللہ بابر نے کہا ہے کہ جس کمپنی کے کیس میں بلاول بھٹو زرداری کو طلب کیا گیا ہے ان کی عمر اس وقت ایک سال سے بھی کم تھی نوٹس صرف پارٹی قیادت پردباؤ بڑھانے کی کوشش ہے نیب کے سیاسی عزائم بے نقاب ہورہے ہیں

جبکہ 26 ممالک کے ساتھ معلومات کے تبادلے کے معاہدے کا حکومتی جھوت بے نقاب ہو چکا۔ معاہدہ موجودہ حکومت نے نہیں اسحاق ڈار نے کیا تھا وزیراعظم جھوٹ سامنے آنے پر معافی مانگیں اتوار کے روز ٹوئٹر پر جاری پیغام میں فرحت اللہ بابر نے کہا ہے کہ نیب کی جانب سے بلاول بھٹو زرداری کوطلبی کونوٹس جاری ہونا پارٹی قیادت پر دباؤ بڑھانے کی کوشش ہے کیونکہ جس کمپنی کے کیس میں انہیں طلبی کا نوٹس جاری کیا گیا ہے اس وت بلاول بھٹو زرداری کی عمر ایک سال سے بھی کم تھی اور وہ انتہائی کم شےئر کے مالک ہیں۔ انہوں نے طنز کرتے ہوئے کہا کہ شکریہ نیب ایسے اقدامات سے نیب کے سیاسی عزائم بے نقاب ہو رہے ہیں علاوہ ازین اپنے دوسرے پیغام میں ا نہوں نے حکومت کو تنقید کا نشانہ بناتے ہوئے کہا کہ 26 ممالک کے ساتھ معلومات کے تبادلے کے معاہدے کا حکومتی دعویٰ جھوٹا ثابت ہو چکا۔ اس معاہدے پر موجودہ حکومت نے نہیں بلکہ اسحاق ڈار نے دسمبر 2016 میں دسخط کئے تھے لیکن وزیراعظم عمران خان کریڈٹ لے کر سیاسی مخالفین کو تنقید کا نشانہ بناتے رہے۔ سچ سامنے آنے پر انہیں قوم سے معافی مانگنی چاہئے۔  پاکستان پیپلزپارٹی رہنما فرحت اللہ بابر نے کہا ہے کہ جس کمپنی کے کیس میں بلاول بھٹو زرداری کو طلب کیا گیا ہے ان کی عمر اس وقت ایک سال سے بھی کم تھی نوٹس صرف پارٹی قیادت پردباؤ بڑھانے کی کوشش ہے نیب کے سیاسی عزائم بے نقاب ہورہے ہیں جبکہ 26 ممالک کے ساتھ معلومات کے تبادلے کے معاہدے کا حکومتی جھوت بے نقاب ہو چکا۔

موضوعات:فرحت اللہ بابر