اسلام آباد(مانیٹرنگ ڈیسک)چیف جسٹس آف پاکستان جسٹس میاں ثاقب نثار کی ریٹائرمنٹ میں چند ماہ باقی، ان کے بعد چیف جسٹس آف پاکستان کا منصب کون سنبھالے گا؟سپریم کورٹ کے کونسے جج جسٹس ثاقب نثار کے بعد اہم عہدے پر فائز ہونگے، نام سامنے آگیا۔ تفصیلات کے مطابق چیف جسٹس آف پاکستان جسٹس میاں ثاقب نثار کی ریٹائرمنٹ میں اب چند ہی ماہ باقی رہ گئے ہیں

اور وہ آئندہ سال 17جنوری 2019کو ریٹائر ہو جائینگے۔ جسٹس ثاقب نثار کے بعد جسٹس آصف سعید خان کھوسہ چیف جسٹس آف پاکستان کا عہدہ سنبھالیں گے اور ان کے بعد بالترتیب سپریم کورٹ کے موجودہ ججز میں سے 7جج چیف جسٹس کے عہدے پر براجمان ہونگے۔ جودہ چیف جسٹس پاکستان مسٹر جسٹس میاں ثاقب نثار کی آئندہ سال 17جنوری 2019ء کو ریٹائرمنٹ کے بعد جن 8ججوں کو باالترتیب یہ عہدہ سنبھالنے کا موقع ملے گاان میں مسٹر جسٹس آصف سعید خان کھوسہ، مسٹر جسٹس گلزار احمد، مسٹر جسٹس عمر عطاء بندیال، مسٹر جسٹس قاضی فائز عیسیٰ ، مسٹر جسٹس اعجاز الاحسن، مسٹر جسٹس سید منصور علی شاہ، مسٹر جسٹس منیب اختراورمسٹر جسٹس یحییٰ آفریدی شامل ہیں،آئین میں سپریم کورٹ کے جج کی ریٹائرمنٹ کی عمر 65سال مقرر ہے جبکہ چیف جسٹس کی ریٹائرمنٹ کے بعد سینئر ترین جج کو چیف جسٹس کا عہدہ تفویض کیا جاتا ہے ،سپریم کورٹ کے ججوں کی موجودہ سنیارٹی لسٹ کے مطابق 8جج صاحبان کوچیف جسٹس پاکستان بننے کاموقع میسر آئے گا جبکہ اتنی ہی تعداد( 8)میں جج صاحبان اس عہدہ پر پہنچنے سے قبل ہی ریٹائر ہوجائیں گے۔جسٹس ثاقب نثار کے بعد بالترتیب چیف جسٹس آف پاکستان کا عہدہ سنبھالنے والوں میں مسٹر جسٹس آصف سعید خان کھوسہ، مسٹر جسٹس گلزار احمد، مسٹر جسٹس عمر عطاء بندیال، مسٹر جسٹس قاضی فائز عیسیٰ ، مسٹر جسٹس اعجاز الاحسن، مسٹر جسٹس سید منصور علی شاہ، مسٹر جسٹس منیب اختراورمسٹر جسٹس یحییٰ آفریدی شامل ہیں۔