بیجنگ (این این آئی)وزیر اعظم عمران خان کو بیجنگ میں سربراہ جے یو آئی (س) مولانا سمیع الحق پر حملے اور انکے جاں بحق ہونے کی اطلاع دی گئی ۔ایک بیان میں وزیر اعظم عمران خان نے سربراہ جے یو آئی (س) مولانا سمیع الحق پر حملے کی شدید الفاظ میں مذمت کرتے ہوئے مولانا سمیع الحق کی شہادت پر گہرے دکھ اور افسوس کا اظہار کیا ہے ۔ وزیر اعظم نے کہاکہ
مولانا سمیع الحق کی شہادت سے ملک ایک جید عالم دین اور اہم سیاسی رہنما سے محروم ہو گیا ہے۔ انہوں نے کہاکہ مولانا کی سیاسی اور دینی خدمات کو ہمیشہ یاد رکھا جائے گا ۔ وزیر اعظم نے مولانا سمیع الحق پر حملے کے افسوس ناک اور قابل مذمت واقعے کی رپورٹ طلب کر لی انہوں نے ہدایت کی کہ واقعہ کی فوری تحقیقات کر نے اور ذمہ داران کا تعین کیا جائے ۔
