اسلام آباد (مانیٹرنگ ڈیسک) آئی جی اسلام آباد جان محمد کی جگہ عامر ذوالفقار خان کو آئی جی اسلام آباد تعینات کر دیا گیا، عامر ذوالفقار خان جو کہ گریڈ 21 کے پولیس آفیسر ہیں انہیں جان محمد کی جگہ آئی جی لگا دیا گیا ہے، عامر ذوالفقار پولیس سروس پاکستان گروپ کے افسر ہیں، عامر ذوالفقار آئی جی موٹر وے پولیس کی

ذمہ داریاں بھی نبھا چکے ہیں اس کے علاوہ وہ ایڈیشنل آئی جی آپریشنز پنجاب، آر پی او ملتان، ڈی آئی جی سی ٹی ڈی پنجاب، سی پی او ملتان اور ایس ایس پی سپیشل برانچ لاہور بھی رہ چکے ہیں۔ اس کے علاوہ عامر ذوالفقار ایس ایس پی آپریشنز لاہور اور ڈی پی او ٹوبہ ٹیک سنگھ کی ذمہ داریاں بھی نبھاتے رہے ہیں۔