اسلام آباد(مانیٹرنگ ڈیسک)کورنگ نالہ تجاوزات کیس، سپریم کورٹ نے نظر ثانی کی تمام درخواست مسترد کر دیں، ایک خاتون کو انسانی ہمدردی کے تحت 4ماہ کی مہلت۔ تفصیلات کے مطابق آج سپریم کورٹ آف پاکستان میں چیف جسٹس کی سربراہی میں بنچ نے کورنگ نالہ تجاوزات کیس کی سماعت کی۔ دوران سماعت متاثرہ خاتون عدالت میں پیش ہوئی، خواستگزار کے وکیل سردارلطیف کھوسہ نے موقف اختیار کیا کہ میری موکلہ کاشوہرکینسرکامریض ہے، خاتون

کابیٹا 18 سال کاہے۔جسٹس اعجاز الاحسن نے ریمارکس دیتے ہوئے کہا کہ آپ کہتے ہیں اس بنیادپرتجاوزات ہٹانے کاحکم واپس لے لیں؟چیف جسٹس پاکستان نے کہا کہ کسی ایک فردکیلئے الگ حکم جاری نہیں کر سکتے،غیرقانونی گھر ہے اس نے توگرناہے لیکن 4 ماہ مہلت دے دیتے ہیں، افسوس سے کہناپڑتاہے ملک کوزیادہ نقصان پٹواریوں نے پہنچایا۔عدالت نے نظرثانی کی تمام درخواستیں مستردکردیں اورخاتون کوانسانی ہمدردی کے تحت تجاوزات ہٹانے کیلئے 4 ماہ کی مہلت دیدی۔