لاہور (مانیٹرنگ ڈیسک) غیر حتمی اور غیر سرکاری نتائج آنے کا سلسلہ جاری ہے، ایسے میں لاہور کے حلقہ این اے 131 میں تحریک انصاف کے امیدوار ہمایوں اختر اور ن لیگ کے امیدوار سعد رفیق کے درمیان انتہائی کانٹے دار مقابلہ ہے، دونوں امیدوار مختلف پولنگ سٹیشنز کے نتائج کے مطابق آگے پیچھے ہیں،
لیکن خواجہ سعد رفیق معمولی برتری کے ساتھ ہمایوں اختر سے آگے ہیں۔ نتائج کا سلسلہ شروع ہونے سے پہلے تحریک انصاف کے رہنما ہمایوں اختر نے کہا کہ خواجہ سعد رفیق اپنی شکست دیکھ کر بوکھلا گئے ہیں، انہوں نے کہا کہ کرپٹ مخالفین کے گرد گھیرا تنگ ہو رہا ہے، تحریک انصاف ہی جیتے گی۔
