لاہور (نیوز ڈیسک) وفاقی وزیر اطلاعات و نشریات فواد چوہدری سے مستعفی ہونے کے مطالبے کی قرارداد پنجاب اسمبلی سیکرٹریٹ میں جمع کروا دی گئی ۔مسلم لیگ (ن) کی رکن صوبائی اسمبلی حنا پرویز بٹ کی جانب سے جمع کرائی گئی قرار داد کے متن میں کہا گیا ہے کہ حکومتی وزراء کی بیوروکریسی کے معاملات میں مداخلت ناقابل قبول ہے،بیوروکریسی کسی فرد کے نہیں ملک و ریاست کے وفادار ہیں،وزیر اعظم نے تمام وزراء کوبیوروکریسی کے کام میں مداخلت نہ کرنے کا حکم دیا

لیکن وزیر اطلاعات فواد چوہدری سیاسی مداخلت کررہے ہیں۔وزیر اطلاعات نے کہا جو کام نہیں کرے گا وہ گھر جائے گا،بیوروکریٹس کو دبا میں لانے کی کوشش کی جا رہی ہے،اداروں کو سیاست سے پاک کرنے کے دعوے دھرے رہے گئے ہیں، لہذا یہ ایوان چیف جسٹس آف پاکستان سے مطالبہ کرتا ہے کہ فواد چوہدری کے بیان کا از خودنوٹس لیا جائے ،وزیر اعظم فواد چوہدری سے فوری استعفیٰ لیں ،حکومت اور بیوروکریسی میں اختلافات پیدا کرنے والا شخص حکومتی ترجمان نہیں رہ سکتا۔

موضوعات:پنجاب اسمبلی قرارداد حنا پرویز بٹ فواد چوہدری