اسلام آباد (مانیٹرنگ ڈیسک)شہباز شریف کی بنائی گئی پنجاب ڈویلپمنٹ کمپنی کی سربراہی اسد عمر کے کرنے کا انکشاف۔ تفصیلات کے مطابق معروف صحافی مرتضیٰ سولنگی نے سماجی رابطوں کی ویب سائٹ ٹویٹر پر اپنے ایک پیغام میں انکشاف کیا ہے کہ ” شہبازشریف کی 56 کمپنیوں میں سے ایک کمپنی پنجاب ڈولپمنٹ فنڈ بھی ہے جس کا بجٹ تقریبا 8 بلین روپے تھا ،اسد عمر پی ٹی آئی میں شمولیت سے قبل اس کی 2010 سے 2012 تک سربراہی

بھی کر چکے ہیں ۔امید ہے کہ ’کرپٹ ‘ شہبازشریف کے ماتحت کام کرنے والے اسد عمرکسی قسم کی کرپشن میں ملوث نہیں ہو ں گے ، کیا نیب نے اسد عمر سے اس حوالے سے تحقیقات کیں ؟ امید ہے سب حلال ہے ۔“واضح رہے کہ آج حتساب عدالت نے سابق وزیراعلیٰ پنجاب اور قومی اسمبلی میں اپوزیشن لیڈر شہبازشریف کو دس روزہ جسمانی ریمانڈ پر نیب حکام کے حوالے کر دیاہےانہیں آشیانہ ہائوسنگ سکینڈل میں گرفتار کر کے عدالت پیش کیا گیا تھا۔

موضوعات:اسد عمر پنجاب ڈویلپمنٹ کمپنی مرتضیٰ سولنگی