اسلام آباد (نیوز ڈیسک)عالمی اور ملکی سطح پر ایک روزہ نمایاں کمی کے بعد سونے کی قیمتوں نے دوبارہ تیزی پکڑ لی ہے۔

نجی ٹی وی چینل کے مطابق بین الاقوامی منڈی میں سونے اور چاندی دونوں کی قیمتوں میں واضح اضافہ ریکارڈ کیا گیا ہے۔ عالمی مارکیٹ میں سونا 117 ڈالر مہنگا ہو کر 4967 ڈالر فی اونس تک پہنچ گیا، جہاں سرمایہ کاروں نے ایک بار پھر قیمتی دھاتوں میں سرمایہ کاری کا رخ کر لیا ہے۔ادھر مقامی صرافہ بازار میں بھی سونے کی قیمتوں میں نمایاں بڑھوتری دیکھنے میں آئی۔ فی تولہ سونا 11 ہزار 700 روپے اضافے کے بعد 5 لاکھ 19 ہزار 462 روپے کا ہو گیا، جبکہ دس گرام سونے کی قیمت 10 ہزار 30 روپے بڑھ کر 4 لاکھ 45 ہزار 354 روپے تک جا پہنچی۔سونے کے ساتھ ساتھ چاندی کی قیمت میں بھی اضافہ ہوا ہے۔

مقامی مارکیٹ میں فی تولہ چاندی 444 روپے مہنگی ہو کر 8 ہزار 269 روپے میں فروخت ہونے لگی ہے۔