مری (آئی این پی )مسلم لیگ (ن) کے قائد اور سابق وزیر اعظم نواز شریف نے کہاہے کہ اللہ سب کچھ دیکھ رہا ہے،امید ہے خدا ہمارے ساتھ انصاف ضرور کریگا۔ ہفتہ کوسا بق وزیراعظم محمد نواز شریف نے مری میں اپنی رہائش گاہ پر تعزیت کیلئے آنے والے تحصیل مری سے تعلق رکھنے والے لیگی عہدیداروں سے گفتگو کر تے ہوئے کہا کہ بیگم کلثوم نواز مضبوط اعصاب کی مالک خاتون تھیں، لندن روانگی کے وقت نم آنکھوں کے
ساتھ ہمیں دیکھا، بیماری کے دوران اور سانسوں کی رخصتی کے وقت ہم انکے ساتھ نہیں تھے، یہ دکھ زندگی بھر رہیگا، اللہ تعالی کی ذات یہ سب کچھ دیکھ رہی ہے اور مجھے امید ہے رب العزت ہمارے ساتھ انصاف ضرور کرینگے۔ لیگی عہدیداروں نے نواز شریف سے تعزیت کرتے ہوئے بیگم کلثوم نواز کی مغفرت اور درجات کی بلندی کیلئے دعا کی۔اس موقع پر میاں محمد نوازشریف نے تعزیت کرنے کیلئے آنے والوں کا شکریہ ادا کیا۔
