عمران خان نے عثمان بزدار کو وزیراعلیٰ پنجاب بناکر ایسا کارنامہ انجام دیا ہے جو رہتی دنیا تک یاد رہے گا،عثمان بزدارمیں ایسی کیا بات ہے؟ معروف صحافی کے حیرت انگیز انکشافات لاہور(نیوزڈیسک)‘‘تحریک انصاف کی تیاری نہیں تھی یہ بس خوش فہمی کی دنیا میں تھے، انکی کمیٹیاں ایک سال پہلے بننی چاہیءں تھیں ، اور جو عثمان بزدار کو لگایا وہ تو ایسا کارنامہ ہے کہ رہتی دنیا تک یاد رہے گااس پر لطیفے بنیں گے، وہ تو فائل نہیں پڑھ سکتے ، نہ ہی بات کر سکتے ہیں’’ ۔
ہارون رشید کی تحریک انصاف پر تنقید، تفصیلات کے مطابق نجی ٹی وی کے پروگرام میں معروف صحافی ہارون الرشید نے وزیراعلیٰ پنجاب عثمان بزدار کے حوالے سے حیرت انگیز انکشافات کئے ہیں انہوں نے کہا کہ وزیراعظم عمران خان کی جانب سے وزیراعلیٰ پنجاب کیلئے عثمان بزدار کا انتخاب ایک ایسا کارنامہ ہے جو رہتی دنیا تک یاد رکھاجائے گا اور اس پر لطیفے بھی بنیں گے انہوں نے کہا کہ تحریک انصاف کی کوئی تیاری نہیں تھی ، انہیں اندازہ نہیں تھا کہ حکومت سنبھالنے کے بعد کیا کرنا ہوگا یہ خواب دیکھ رہے تھے کہ ہم حکومت میں آئیں گے اور سب ٹھیک کردیں گے، انہوں نے بڑے بڑے دعوے کئے ،منسٹر ہاؤس اور گورنر ہاؤس کی دیواریں گرانے کا کہا ان کی کوئی تیاری نہیں تھی، انہوں نے کہا کہ سیاسی پارٹیوں کو حکومت میں آنے سے پہلے تھنک ٹینک بنانے چاہئیں انہوں نے کہا کہ اگر پی آئی اے ، سٹیل مل اور دیگر اداروں کی حالت بہتر بنانے کے لئے پہلے سے کوئی تیاری کی جاتی تو آج صورتحال مختلف ہوتی، انہوں نے دعویٰ کیا کہ عثمان بزدار کو ایک ڈمی کی طرح بٹھایاگیا ہے اصل میں اس عہدے پر جہانگیر ترین کو لایاجانا ہے ۔
