لاہور(آئی این پی) سانحہ ماڈل ٹان کے زمہ داران کو قانون کے مطابق سزا دینے کے مطالبے کی قرارداد پنجاب اسمبلی میں جمع کروادی گئی ۔ تفصیلات کے مطابق قرارداد تحریک انصاف کی رکن صوبائی اسمبلی مسرت جمشید چیمہ کی جانب سے جمع کرائی گئی جس میں کہا گیا ہے کہ سانحہ ماڈل ٹاؤن پاکستان کی تاریخ کا ایک اندوہناک واقعہ ہے جس میں 14 بیگناہ شہریوں کو بیدردی سے شہید کیا گیا‘ سانحہ ماڈل ٹان ملکی تاریخ کاایک ایسا دردناک واقعہ ہے جس کی سنگینی سے کوئی بھی فرد یا جماعت انکار

نہیں کر سکتی‘ لیکن سابق حکومت کے دور میں شہدائے ماڈل ٹان کے ورثا اور انصاف پسند عوامی حلقے مکمل انصاف کے منتظر رہے‘ مجرم آزاد گھومتے رہے۔ جسٹس باقی نجفی کی رپورٹ منظر عام پر آنے کے باوجود جرم کرنے والے قانون کی گرفت میں نہیں آئے سانحہ ماڈل ٹان کے شہدا کے ورثا کو حقیقی انصاف فراہم کیا جائے وقوعہ میں ملوث تمام ملزمان کو جلد از جلد گرفتارکیا جائے قرارداد میں مطالبہ کیا گیا ہے کہ ملزمان کو عدالتوں میں پیش کیا جائے اور قانون کے مطابق قرار واقعی سزا دلوائی جائے۔