اسلام آباد (آئی این پی) وفاقی وزیر اطلاعات و نشریات فواد چوہدری نے کہا ہے کہ سابق وزیراعظم کی لیپ ٹاپ سمیت تمام اسکیموں کو ختم کرنے کا فیصلہ کیا ہے ،بے نظیر انکم سپورٹ پروگرام کو ختم نہیں کیا جا رہا، احتساب کا خصوصی سیل وزیراعظم آفس میں بنایا ہے ،ملک کی دولت لوٹ کر باہر منتقل کرنے والے 100بڑے ناموں کے خلاف اعلیٰ سطح کی تحقیقات کیلئے احتساب کمیٹی بنا دی گئی ہے۔
وہ بدھ کو نجی ٹی وی سے گفتگو کر رہے تھے۔ وزیر اطلاعات فواد چوہدری نے کہا کہ سابق وزیراعظم کی لیپ ٹاپ سمیت تمام اسکیموں کو ختم کرنے کا فیصلہ کیا ہے، بے نظیر انکم سپورٹ پروگرام کو ختم نہیں کررہے،وزیراعظم آفس میں احتساب کا خصوصی سیل بنا دیا گیاہے۔ انہوں نے کہا کہ ملک کی دولت لوٹ کر باہر منتقل کرنے والے100بڑے ناموں کی فہرست تیار کرلی گئی ہے، 100ناموں کے خلاف اعلیٰ سطح پر تحقیقات کیلئے ایک بڑی احتساب کمیٹی بنا دی گئی ہے، احتساب کمیٹی میں نیب، ایف آئی اے اور انٹیلی جنس اداروں کے حکام بھی شامل ہیں، کمیٹی تمام شواہد اکٹھے کر کے 100بڑے ناموں کو جلد منظر عام پر لائے گی۔ وزیر اطلاعات فواد چوہدری نے کہا کہ کمیٹی 3ماہ میں ٹھوس شواہد کے ساتھ نیب کو کیسز بھجوائے گی،ان 100 ناموں میں بڑے مگرمچھوں کے نام سب اچھی طرح جانتے ہیں، فہرست سامنے آتے ہی سب کو پتہ چل جائے گا، پوری قوم کو پتا لگے گا کہ قومی دولت کس نے لوٹی ہے۔ وفاقی وزیر اطلاعات و نشریات فواد چوہدری نے کہا ہے کہ سابق وزیراعظم کی لیپ ٹاپ سمیت تمام اسکیموں کو ختم کرنے کا فیصلہ کیا ہے ،بے نظیر انکم سپورٹ پروگرام کو ختم نہیں کیا جا رہا، احتساب کا خصوصی سیل وزیراعظم آفس میں بنایا ہے ،ملک کی دولت لوٹ کر باہر منتقل کرنے والے 100بڑے ناموں کے خلاف اعلیٰ سطح کی تحقیقات کیلئے احتساب کمیٹی بنا دی گئی ہے۔
