اسلام آباد(آئی این پی) پاکستان پیپلز پارٹی کے سینئر رہنما قمر زمان کائرہ نے کہا ہے کہ ہم مسلم لیگ (ن) کی مخالف جماعت ہیں، ہمارا انکے ساتھ کوئی اتحاد نہیں تھا بلکہ الیکشن میں دھاندلی کے خلاف تمام جماعتیں اکٹھی ہوئیں ، مولانا فضل الرحمٰن تو اسمبلی میں آ نے کو تیار ہی نہیں تھے، تلخ ماضی کی وجہ سے شہباز شریف کو وزیراعظم کا ووٹ نہیں دیا۔ اتوار کو مولانا فضل الرحمٰن کے بیان پر ردعمل دیتے ہوئے قمر الزمان کائرہ نے کہا کہ پیپلز پارٹی نے اپوزیشن
اتحاد توڑ دیا یہ کہنا درست نہیں ہے۔ ہمیں کہا گیا نواز شریف سے ملاقات کرلیں مسئلہ ختم ہوجائے گا۔ خورشید شاہ اور رضاربانی نواز شریف سے ملاقات کیلئے تیار تھے مگر مسلم لیگ (ن) نے ہماری نواز شریف کے ساتھ ملاقات نہیں کروائی۔ انہوں نے کہا کہ ہم مسلم لیگ (ن) کی مخالفت جماعت ہیں ۔ ہمارا انکے ساتھ کوئی اتحاد نہیں تھا بلکہ الیکشن میں دھاندلی کے خلاف تمام جماعتیں اکٹھی ہوئیں۔ مولانا فضل الرحمان تو اسمبلی میں آنے کی تیارہی نہیں تھے۔
