نارووال(آئی این پی)مسلم ن کے رہنماء اور سابق وفاقی وزیر داخلہ احسن اقبال نے کہا ہے کہ حکومت بلدیاتی اداروں کی جانب میلی نگاہ سے نہ دیکھے،ہم ان داروں کی مدت کم کرنے کی سازش کامیاب نہیں ہونے دیں گے، ان خیالات کا اظہار انہوں نے نارووال میں ورکرزکنونشن سے خطاب کرتے ہوئے کیا۔ انہوں نے کہا کہ بلدیاتی نمائندے پانچ سال کے لیے عوام کے ووٹوں سے منتخب ہوئے ہیں۔
اب اگر بلدیاتی ادروں کے فنڈز روکے گئے تو بھرپور مزاحمت کریں گے۔ احسن اقبال نے کہا کہ بتایا جائے کہ باہر پڑے دو سو ارب ڈالر ملک میں کب واپس لا رہے ہیں حکومت نے نارووال لاہور ایکپریس وے منصوبے کے فنڈز روک لیے ہیں ہمارے دور کے ترقیاتی منصوبے روکے گئے تو حکومت کا محاسبہ کریں گے ۔ ورکرز کنونشن میں کارکنوں کی کثیر تعداد نے شرکت کی۔
