اسلام آباد (این این آئی)وفاقی وزیر اطلاعات فواد چوہدری نے کہاہے کہ ہیلی کاپٹر کمپنی کا مینوئل دیکھیں تو فی کلو میٹر فیول خرچ 55 روپے ہی بنتا ہے لیکن اس میں پائلٹ اور ہیلی کاپٹرکے دیگر اخراجات شامل نہیں ہیں۔ نجی ٹی وی سے گفتگو کرتے ہوئے فواد چوہدری نے کہاکہ جو لوگ ہیلی کاپٹر فیول سے متعلق باتیں کر رہے وہ کبھی رکشہ میں بھی نہیں بیٹھے۔جیو نیوز سے بات کرتے ہوئے وفاقی وزیر نے کہا کہ وزیر اعظم ہاؤس میں 200 سے زائد گاڑیاں اضافی رکھی گئیں اور غیر ضروری گاڑیوں کو نیلام کیا جا رہا ہے۔پانچ کروڑ کی گاڑی کم قیمت پر

نیلامی کرنے سے قومی خزانے کو نقصان سے متعلق سوال پر فواد چوہدری نے دعویٰ کیا کہ 5 کروڑ کی گاڑی 6 کروڑ میں بیچیں گے۔انہوں نے کہاکہ غیر ملکی مہمانوں کی آپ کو بہت فکر ہے لیکن پہلے اپنے عوام کا حال دیکھیں، مودی یا پاکستان آنے والی کسی بھی غیر ملکی شخصیت کی عام گاڑی میں بیٹھنے سے شان میں کمی نہیں آئے گی۔یاد رہے کہ وزیراعظم نے کفایت شعاری پالیسی کے تحت اضافی گاڑیوں کی نیلامی کا حکم دیا ہے جس کے بعد حکومت کی جانب سے مجموعی طور پر 33 گاڑیاں نیلام کرنے کے لیے اشتہار جاری کیا گیا ہے۔

موضوعات:فواد چوہدری