پشاور (مانیٹرنگ ڈیسک) وزیراعظم عمران خان کی جانب سے کیے گئے سادگی کے دعوؤں کو تحریک انصاف کے صدارت کیلئے نامزد امیدوار عارف علوی نے ہوا میں اڑا دیا، نامزد صدر عارف علوی کی جانب سے پرتکلف ظہرانہ، ایک نجی ٹی وی چینل کی رپورٹ کے مطابق پروٹوکول کے ساتھ سادگی کے دعوے بھی دھرے رہ گئے، وزیراعظم عمران خان کی جانب سے خرچے کم سے کم کرنے کا کہا گیا تھا اس کے لیے وزیراعلیٰ ہاؤسز میں خرچوں

پر پابندی کا اعلان کیا تھا لیکن پشاور وزیراعلیٰ ہاؤس میں جب صدارت کے لیے نامزد امیدوار یہاں آئے تو خیبرپختونخوا کے ممبر قومی اسمبلی، سینیٹرز اور صوبائی اسمبلی کے تمام اراکین کو یہاں مدعو کیا گیا، اس طرح اس ظہرانے میں 150 کے قریب افراد نے شرکت کی اور اس ظہرانہ میں ہر قسم کے کھانے پیش کیے گئے حتیٰ کہ سویٹ ڈش بھی ظہرانے میں شامل تھی۔ اس طرح خرچے کم کرنے کے دعوؤں کو ہوا میں اڑا دیا گیا۔