کرک(آئی این پی ) کرک کے علاقے شاہ سلیم میں جائیداد کے تنازعہ پر مخالفین نے فائرنگ کرکے باپ اس کے تین بیٹے قتل کردیئے،شوہر اور بیٹوں کی ہلاکت کی خبرسنتے ہی صدمے سے ماں کا بھی انتقال ہوگیا۔پولیس کے مطابق خیبرپختون خوا کے ضلع کرک کے نواحی علاقے شاہ سلیم گڈی خیل میں جائیداد کے تنازعے پر
مخالفین کی فائرنگ سے 4 افراد جاں بحق ہوگئے۔ پاڑو خان نامی شخص اور اس کے 3 بیٹے قریبی رشتہ دار کے جنازے پر گئے ہوئے تھے کہ مخالفین نے موقع پا کر ان پر فائرنگ کردی.فائرنگ کے نیتجے میں چاروں افراد موقع پر ہی دم توڑ گئے۔ شوہر اوربیٹوں کی ہلاکت کی خبرسنتے ہی صدمیسے ماں کا بھی انتقال ہوگیا۔
