اسلام آباد (مانیٹرنگ ڈیسک) عیدالاضحیٰ کے دن لوگ نماز عید کے بعد قربانی میں مصروف تھے لیکن بعض لوگ سوشل میڈیا پر ایک دوسرے سے سوال کر رہے تھے کہ وزیراعظم عمران خان نے نماز عید پڑھی ہے تو ان کی کوئی ویڈیو یا تصویر کیوں منظر عام پر نہیں آئی، سوشل میڈیا پر جب یہ بات زیادہ وائرل ہوئی تو سیاسی مخالفین بھی پیچھے نہ رہے انہوں نے اپنے موقف میں
کہا کہ ہو سکتا ہے کہ وزیراعظم عمران خان نے نماز عید ادا ہی نہ کی ہو، اس کا جواب دیتے ہوئے پریس بریفنگ کے دوران فواد چودھری نے کہا کہ یہ عمران خان کا ذاتی معاملہ ہے، اگر وہ نماز عید پڑھنے کی تشہیر یا فوٹو نہیں چھپوانا چاہتے تو بلاوجہ بات نہیں کرنی چاہیے، عمران خان نمازی پرہیزی آدمی ہیں اور اہم اجلاسوں میں اکثر اٹھ کرنماز ادا کرنے چلے جاتے ہیں۔
