اسلام آباد (مانیٹرنگ ڈیسک) وزیراعظم عمران خان نے پاکستان بھر کے تمام تعلیمی اداروں میں قرآن مجید کی تعلیم میٹرک تک لازمی قرار دینے کا فیصلہ کر لیا ۔تفصیلات کے مطابق وزیراعظم عمران خان کی زیر صدارت وفاقی کابینہ کا اجلا س میں پاکستان بھر کے تمام تعلیمی اداروں میں قرآن مجید کی تعلیم میٹرک تک لازمی قرار دینے کافیصلہ کیا گیا ہے۔وفاقی کابینہ کے اس فیصلے کو جہاں پورے ملک میں سراہا جا رہا ہے وہیں عمران خان پر مذہبی تنقید اور انہیں’’ یہودیوں کا ایجنٹ‘‘قرار دینے والے مولانا فضل الرحمن

پر شدید تنقید شروع ہو گئی ہے۔ خبر سامنے آنے کے بعد ملک کے معروف صحافی انور لودھی نے وفاقی کابینہ کے اس فیصلے پر اپنا ردعمل دیتے ہوئے سماجی رابطوں کی ویب سائٹ ٹویٹر پر اپنے پیغام میں لکھا ہے کہ ”یہودی ایجنٹ کا کارنامہ، قرآن مجید کو پورے پاکستان کے تعلیمی اداروں میں لازم قرار دینے کا فیصلہ۔ دوسری طرف اسلام نافذ کرنے کے شوقین فضل الرحمان پانچ سال تک وزارتوں کے مزے لیتا رہے لیکن انہیں یہ نیک کام کرنے کی توفیق نہ ہوئی۔۔۔ الٹا وہ چور وزیراعظم کا دفاع کرتے رہے۔“

موضوعات:صحافی انور لودھی قرآن تعلیم مولانا فضل الرحمن وزیراعظم عمران خان