لاہور(یواین پی)وزیراعلی پنجاب عثمان بزدار نے کہاہے کہ قوم کی عمران خان سے وابستہ توقعات پوری کرنے کیلئےدن رات محنت کریں گے، جنوبی پنجاب کے عوام کو ان کے حقوق ملیں گے، صوبے بھر میں جرائم کی بیخ کنی کے لیے اقدامات کیے جائیں گے۔وزیراعلیٰ پنجاب عثمان بزدار سے ڈیرہ غازی خان کے عمائدین کے وفد نے ملاقات کی جس میں وفد نے انہیں منصب سنبھالنے پر مبارکباد دی۔اس موقع پر گفتگو کرتے ہوئے
وزیراعلی پنجاب نے کہا کہ عمران خان کی قیادت میں نئے پاکستان کی منزل کا سفر شروع ہو چکا، تبدیلی لوگوں کے بہتر مستقبل کے لئے آئی ہے، حقیقی تبدیلی کے لئے شب وروز محنت کرنا ہوگی، وزیراعظم عمران خان اوران کی ٹیم عوام کی توقعات پرپورا اترے گی،ان کامزید کہنا تھا کہ پولیس کے نظام میں وہی تبدیلی لائیں گے جو خیبر پختونخوامیں لائے ہیں، پولیس کو اب عوام کا خادم بننا ہوگا، ان کے روئیے میں تبدیلی لائیں گے۔
