اسلام آباد (مانیٹرنگ ڈیسک)غداری کیس میں وارنٹ اجراء کے باوجود پرویز مشرف کی عدم پیشی، سیکرٹری داخلہ 29 اگست کو وضاحت کیلئے طلب ۔ تفصیلات کے مطابق سابق صدر پرویز مشرف کے خلاف غداری کی سماعت آج خصوصی عدالت کےجسٹس یاور علی کی سربراہی میں دو رکنی بنچ نے کی۔ سابق صدر کے وکیل اختر شاہ نے موقف اپنایا کہ ان کے موکل کی جان کو خطرہ ہے، پرویز مشرف پر اسلام آباد کچہری اور کوئٹہ میں اکبر
بگٹی کیس کی سماعت کے دوران جان لیوا حملے ہوئے، اگر صدر لیول کی سیکورٹی دیجائے تو پرویز مشرف پیش ہو جائیں گے۔عدالت نے پرویز مشرف کو پیش نہ کرنے پر برہمی کا اظہار کرتے ہوئے کہا کہ سیکرٹری داخلہ آئندہ سماعت پر ذاتی حیثیت میں پیش ہو کر بتائیں کہ پرویز مشرف کے ناقابل ضمانت وارنٹ ہونے کے باوجود انہیں پیش کیوں نہیں کیا گیا۔عدالت کا کہنا تھا کہ آئندہ سماعت پر دفعہ 342 کے بیان کے قانونی نقطے پر بحث ہوگی،
