اسلام آباد (نیوز ڈیسک) معروف صحافی، تجزیہ کار اور کالم نویس حامد میر کی جیو اور جنگ گروپ سے 17 سال کی رفاقت ختم ہو گئی، معروف صحافی حامد میر جی این این گروپ سے بطور صدر منسلک ہو گئے ہیں۔ معروف صحافی نے جیو اور جنگ گروپ چھوڑ دیا ہے۔ آج سارا دن سوشل میڈیا پر سینئر صحافی حامد میر کی بہت سی تصاویر سامنے آئی ہیں لیکن ابھی تک حامد میر کی جانب سے کوئی وضاحتی بیان سامنے نہیں آیا ہے۔ پاکستانی میڈیا میں جی این این گروپ ایک نیا اضافہ ہے

جس میں حامد میر جیسے سینئر صحافی کی شمولیت اس کے لیے ترقی کا باعث بنے گی۔ معروف صحافی حامد میر کی جیو گروپ چھوڑنے کے ساتھ ساتھ وہاں سے دیگر صحافیوں کے چھوڑنے کی بھی اطلاعات ہیں، کچھ نے جی این این گروپ میں شمولیت بھی اختیار کر لی ہے۔ واضح رہے کہ صحافی سلمان حسن نے سماجی رابطے کی ویب سائٹ ٹوئیٹر پر معروف صحافی حامد میر کو خوش آمدید کہتے ہوئے لکھا کہ میر صاحب نے بطورصدر جی نیوز نیٹ ورک جوائن کرلیا ہے۔