لندن (آئی این پی ) چیئرمین تحریک انصاف عمران کان کی سابقہ اہلیہ ریحام خان کو پاکستانی خاتون نے سوالات کی بوچھاڑ کر کے لا جواب کر دیا ،خاتون نے ریحام خان سے کہا کہ عمران خان نے آپ کو طلاق دی ہے اور آپ بشری بی بی سے جیلس لگتی ہیں،انڈین میڈیا کو انٹرویو دینے ویران مقام کیوں منتخب کیا ، انڈین میڈیا میں پاکستان کو بدنام کرنے کی کوشش کر رہی ہیں۔ریحام خان آخر میں جواب دیے
بغیر روانہ ہوگئیں جبکہ انٹرویو بھی نہ ہوسکا۔ تفصیلات کے مطابق چیئرمین تحریک انصاف اور پاکستان کے متوقع وزیراعظم عمران خان کی سابقہ اہلیہ ریحام خان برطانیہ میں بھارتی میڈیا کو انٹرویو دیتے وقت مشکل میں پھنس گئیں۔ریحام خان اپنے بیٹے کے ہمراہ برطانیہ کے ویران پارک میں بھارتی میڈیا کو انٹرویو دے رہی تھیں کہ ایک پاکستانی خاتون نے انہیں گھیر لیا اور ریحام خان پر سوالات کی بوچھاڑ کردی۔خاتون نے ریحام خان سے سوال کیا کہ کیا آپ بشری بی بی کے پاکستان کی خاتون اول ہونے سے جیلس ہیں؟ جس پر ریحام خان نے جواب دیا کہ میں ان سے جیلس نہیں ہوں۔ بشری بی بی عمران کی اہلیہ ہیں اور میں اس میں خوش ہوں۔خاتون نے مزید کہا کہ عمران خان نے آپ کو طلاق دی ہے اور آپ بشری بی بی سے جیلس لگتی ہیں۔ آپ نے انڈین میڈیا کو انٹرویو دینے کے لیے ایسا مقام کیوں منتخب کیا جہاں کوئی آپ کو دیکھ نہ سکے، آپ انڈین میڈیا کے انٹرویو میں پاکستان کو بدنام کرنے کی کوشش کر رہی ہیں۔ریحام خان اپنے جوابات سے خاتون کی تسلی نہ کرسکیں۔ دعائیہ کلمات ادا کرتی رہیں اور آخر میں جواب دیے بغیر روانہ ہوگئیں جبکہ انٹرویو بھی نہ ہوسکا۔
